பிரபந்தம்

தாமே தமக்குச் சுற்றமும் தாமே
தமக்கு விதிவகையும்
யாமார் எமதார் பாசமார்
என்ன மாயம் !
                                 -மாணிக்கவாசகர்

உன் வலிகளை முற்றிலும் உணர்ந்து அதற்கு நிவாரணம் தருகிறவனும், உன் விதியை அறிந்து உனக்காகவே உன் கூடவே இறுதி வரை வரக்கூடியவனும் , உன் சுற்றமும், நட்புமாய் , உனக்கே உரியவன் ஒருவன் உலகில் இருக்கிறான்! அவன் தான் " நீ "!

எத்தனையோ தேர்ந்தாலும் என்னாலே இன்பமுண்டோ
சிந்துருவே இன்பச் சிவமே பராபரமே
                                                                         - தாயுமானவர்
பொருள் :
"உயிர்கள் அனைத்தும் அரியும் சிவனுமே!" இறைவனின் படைப்பினாலான அத்துனை மனிதனையும் இறைவனின் வடிவமே என்று உணரத் தொடங்கியவனுக்கு வாழ்வொன்றும் கடினமில்லை!

ஆதிமுதலாகி நின்ற அரிஎன்ற அட்சரத்தை
ஓதியறிந்து உள்ளே உணர்வதினி எக்காலம் ?
                                                                           - பத்திரகிரியார்
பெருமாளையும் , சிவனையும் உருகி வணங்குவதோடு முடிந்து விடுவதில்லை ஆன்மிகம்! மண்ணில் வாழும் மாந்தர்கள் யாவரும் கடவுளின் வடிவம் என்று அன்பு செய்யத் தொடங்கும் போது நம்மில் ஆன்மிகம் முழு உயிர் பெறுகிறது  !

    

               பொருள்கருவி காலம் வினையிடனோடு ஐந்தும்
              இருள்தீர எண்ணிச் செயல்
                                                                                                   -திருக்குறள்

"என் கைகள்தாம் என் முதல் மேல்துணியாகும். எத்தனை கம்பளி போர்த்துக்கொன்டாலும் அதற்கு ஈடாகுமா!"
                                      - பகவான் ஸ்ரீ ரமண மகரிஷி

என்பதற்கு ரமணர் ஓர் அற்புத எடுத்துக்காட்டு !

நிறையுடைய நெஞ்சின் இடையை போற்றி
நீங்காதுஎன் னுள்ளத் திருந்தாய் போற்றி .
                                                         -அப்பர்
இனி உன்னையன்றி வேறேதும் தேவையில்லையே!

ஆங்காரம்  உள்ளடக்கி ஐம்புலனை சுட்டறுத்துத்
தூங்காமல் தூங்கிச் சுகம்பெறுவது எக்காலம்
                                                                   -பத்திரகிரியார்
என்னை நானே திருத்தி கொள்ளும் பக்குவத்தை எனக்குத் தந்தருள் பராபரமே !

ஏத்தார் பிழைப்பேனோ எந்தையே நின்னருட்கே
பித்தனானேன் மெத்தவுனான் பேதை பராபரமே .
                                                                        -தாயுமானவர்

நித்தியமொன் றில்லாத நீர்க்குமிழி போன்றவுடர்
கித்தனைதான் துன்பமுண்டோ அண்ணே பராபரமே.
                                                                            - தாயுமானவர் 
பொருள் :
என் தலைவிதி எழுதிய எம்பெருமானே !
நீ தண்ணீர் !
நான் அதில் வெறும் நீர்க்குமிழி !
நிலையில்லாத இந்த நீர்க்குமிழிக்கும் 
நீ இத்தனை துன்பத்தை ஏன் கொடுத்தாய்?

ஆவியொடு காய மழிந்தாலும் மேதியினில்
பாவிஎன்று நாமம் படையாதே - மேவியசீர்
வித்தார முங்கடம்பும் வெண்டாம் - மடநெஞ்சே
செத்தாரை போலத் திரி .
                                                            -பட்டினத்தார்


பொருள் :
 வாழும்போதே சாகிறவர்கள் யாரோ ( இலட்சியத்திற்காக , முன்னேற்றத்திற்காக பாடுபடுபவர்கள் )அவரே செத்த பிறகும் வாழ்கிறவர்கள் ஆவர்  !

எத்தனையோ அண்டத்து இருந்தவர்கள் எத்தனைபேர்
அத்தனைபேர் உண்டாலும் அனுவுங் குறையாண்டி !
                                                                           - பட்டினத்தார்

எம்பெருமானே ! நீவிர் அல்ல அள்ளக் குறையாத அட்சய பாத்திரம்!
உன்னை சொந்தமாக்கி கொள்ள எவர் தான் விரும்ப மாட்டார் ??

குறியாகக் கொண்டு குலமளித்த நாயகனை
பிரியாமற் சேர்ந்து பிறப்பறுப்ப தெக்காலம் ?
                                                    -பத்திரகிரியார்

இகமுழுதும் பொய்யெனவே
எயத்துனர்ந்தால் , ஆங்கே
மிகவளர் வந்தஅருள்
மெய்யே - அகநெகிழப்
பாரீர் ஒருசொற் படியே அனுபவத்தை
சேரீர் ; அதுவே திறம் .
                                           - தாயுமானவர்

பொருள் :
மாயைகள் எனும் ஆசைகள் நிறைந்த உலக வாழ்க்கை ஒரு பொய் மான் போன்றதாகும் !
அவ்வாசைகள் கடந்து உன்னை வந்து சேர  அருள் புரிவாயாக இறைவா!! 

பார்க்கின் அண்டபிண்டப் பரப்பனைத்தும் நின்செயலே
யார்குஞ் செயலிலையே ஐயா பராபரமே.
                                                                         - தாயுமானவர்

 பொருள் :  
உலகின் ஒவ்வொரு நிகழ்வும் இறைவா உன் செயல் !
என் செயல் என்பது அன்பு செய்வது மட்டுமேயன்றி வேறொன்றுமில்லை! 
எல்லாம் அவன் செயல்

உண்டு உடுத்துப் பூண்டு இங்கு உலகத்தார் போல்திரியும்
தொண்டர்வினை யாட்டே சுகங்காண் பராபரமே !
                                                                                        - தாயுமானவர்

அன்பும் சிவமும் இரண்டென்பர் அறிவிலார்
அன்பே சிவமாவது ஆறும் அறிகிலார்
அன்பே சிவமாவது ஆறும் அறிந்தபின்
அன்பே சிவமாய் அமர்ந்திருந்தாரே
                                                                     - திருமந்திரம்